"సరి లేరు నీకెవ్వరూ"- మూవీ రివ్యూ

చిత్రం పేరు : సరి లేరు నీకెవ్వరూ

నటీనటులు: మహేష్ బాబు - రష్మిక మండన , విజయశాంతి ,ప్రకాష్ రాజ్ , రాజేంద్ర ప్రసాద్ , సంగీత ,వెన్నెల కిషోర్, సుబ్బరాజు, హరితేజ, బండ్ల గణేష్ , అజయ్, రఘుబాబు మొ..
సంగీతం: దేవిశ్రీ ప్రసాద్
ఛాయాగ్రహణం: రత్నవేలు
నిర్మాతలు: అనిల్ సుంకర - దిల్ రాజు
రచన - దర్శకత్వం: అనిల్ రావిపూడి

ఈ సారి సంక్రాంతి కి ఇద్దరు టాప్  స్టార్ ల చిత్రాలు విడుదల కానుండడం తో , సినీ అభిమానులకి నిజంగా ఈ పండగ సీజన్ ,పండగనే అని చెప్పాలి .దానిలో భాగంగానే ఈ రోజు ప్రపంచ వ్యాప్తంగా సూపర్ స్టార్ మహేష్ బాబు నటించిన “సరి లేరు నీకెవ్వరూ” మూవీ విడుదల అయింది. ఇది అభిమానుల మరియు ప్రేక్షకుల అంచనాలను అందుకుందా లేదా చూద్దాం.

కథ : ఇందులో కథ అంతా కర్నూల్ లో ఒక మెడికల్ కాలేజీ లో ప్రొఫెసర్ గా పనిచేసే భారతి (విజయశాంతి ) కుటుంబం చుట్టూ తిరుగుతుంది. భారతి కుటుంబాన్ని లోకల్ మంత్రి నాగేంద్ర(ప్రకాష్ రాజ్ ) తీవ్ర మైన ఇబ్బందులకు గురి చేస్తుంటూ ఉంటాడు. ఆర్మీ మేజర్ గా పని చేసే హీరో అజయ్ (మహేష్ బాబు ) ఒక ప్రత్యేక కారణం వల్ల భారతి ఇంటికి రావాల్సి వస్తుంది.కర్నూలు కి తన టీం మెంబర్ అయిన రాజేంద్ర ప్రసాద్ తో పాటు హీరో  వస్తుండగా  ట్రైన్ లో హీరొయిన్ సంస్కృతి (రష్మిక) అండ్ ఫ్యామిలీ పరిచయం కావడం జరుగుతుంది.తీరా కర్నూల్ చేరుకున్నాక భారతి పరిస్థితులు చూసి చలించి పోయిన అజయ్ వారి కుటుంబాన్ని ఎలా కాపాడాడు అనేదే కథ .

విశ్లేషణ :  శ్రీమంతుడు ,భరత్ అనే నేను,మహర్షి మూడు సినిమాలలో కొంచెం అటూ ఇటు గా మహేష్ బాబు ఒకే రకమైన , కొంచెం క్లాస్ టచ్ ఉన్న సినిమాలు చేశాడు అనే అపవాదు రావడం తో, ఈ సారి ఆ ముద్ర పోగొట్టుకోవడానికి కొంచెం మాస్ టచ్ ఉన్న రోల్ చేయాలని అనుకున్నట్లు అనిపిస్తుంది.చాలా సందర్భాలలో హీరోను మాస్ టచ్ తో చూపించడానికి ప్రయత్నం చేశాడు దర్శకుడు అనిల్ రావి పూడి.ఈ సినిమాకి సంబంధించి మెయిన్ క్యారక్టర్ ల గురించి చెప్పుకుంటే

మహేష్ బాబు : మహేష్ బాబు ఇలాంటి పాత్రలు గతం లో చేశాడు.తన పరిధిలో తన పాత్రకు న్యాయం చేశాడు.అయితే ఈ సినిమాలో కొన్ని సీన్ లలో మహేష్ బాబు సూట్ ఐనట్టు అనిపించదు.కృత్రిమంగా అనిపిస్తుంది.ముఖ్యంగా ,’మీరంతా నేను కాపాడుకుంటున్న ప్రాణాలు రా’ అనే డైలాగ్ సూట్ ఐనట్టు అనిపించదు.ప్రకాష్ రాజ్ కి లౌడ్ గా రిప్లై ఇచ్చే సీన్ కూడా ఎఫ్ఫెక్టివ్ గా లేదు.

అయితే ఈ సినిమాలో బెస్ట్ అవుట్ పుట్ ఏంటంటే మహేష్ బాబు చేసిన డ్యాన్స్.మహేష్ బాబు చిన్న తనం లో అద్భుతమైన డ్యాన్సర్ అని పేరు తెచ్చుకున్నాడు.అది మురారి ,ఒక్కడు ,అతడు ,పోకిరి లలో మాత్రమే  మనకి కనిపిస్తుంది మిగితా అన్ని సినిమాలలో డ్యాన్స్ విషయం లో మహేష్ బాబు వెనుక బడ్డాడు .నిజం చెప్పాలంటే  సేమ్ స్టెప్స్ రిపీట్ చేశాడు అండ్ బాగా సెట్ కాలేదు.అయితే ఈ సినిమా లో మాత్రం మహేష్ బాబు డ్యాన్స్ లో మ్యాజిక్ చేశాడు అనే చెప్పాలి.ముఖ్యంగా ‘డాంగ్ డాంగ్’ సాంగ్ మరియు ‘మైండ్ బ్లాక్ బ్లాక్’ సాంగ్ లో మహేష్ అద్భుతమైన డ్యాన్స్ తో మనల్ని కట్టి పడేస్తాడు.సినిమా హైలైట్స్ లలో ఇది ఒకటి.

ఇక మహేష్ కామెడీ టైమింగ్ ఎప్పటి లాగే అద్భుతంగా చేశాడు.

ఓవరాల్ గా మహేష్ ఈజ్ గ్రేట్ పెర్ఫార్మర్.అతన్ని సరిగా వాడుకోవడం దర్శకుడి ప్రతిభ పైనే ఆధార పడి ఉంటుంది.అయితే ఒక్క విషయం లో మహేష్ మాత్రం జాగ్రత్త పడాలి.అది తన లుక్ గురించి.గత 4 సినిమాలలో మహేష్ లుక్ ఒకే లాగా ఉంటుంది.దీనివల్ల ప్రేక్షకులు రొటీన్ ఫీల్ అయ్యే అవకాశం ఉంది.కాబట్టి మహేష్ ఎట్ లీస్ట్ తన హెయిర్ స్టైల్ అయినా మార్చాలి .    

విజయశాంతి : దాదాపు 12 ఏళ్ల తర్వాత మళ్ళీ సినిమాల్లోకి ఎంట్రీ ఇచ్చిన విజయశాంతి పాత్ర ఎలా ఉంటుందా అని అందరూ ఎంతో ఉత్సుకత తో సినిమాకి రావడం ఖాయం.అయితే ఈ సినిమాలో విజయశాంతి పాత్ర అనుకున్నంత స్కోప్ ఉన్న పాత్రేం కాదు.మరీ పవర్ ఫుల్ పాత్రేం కాదు.ఈ పాత్రను ఏ క్యారెక్టర్ ఆర్టిస్టు అయినా చేయొచ్చు.విజయ శాంతి కి ఇంకా పవర్ ఫుల్ రోల్ ఇచ్చి ఉండాల్సింది.చాలా సీన్ లలో విజయశాంతి పాసివ్ గా ఉండాల్సి ఉంటుంది.ఈ విషయం లో అనిల్ రావి పూడి ఫెయిల్ అయ్యాడనే చెప్పాలి.ఈ సినిమా చూశాక ఈ పాత్రలో అంత స్పెషల్ ఏముందని విజయశాంతి ఒప్పుకుంది అని అనిపిస్తుంది.

ఇక ఎంతో అనుభవం ఉన్న నటి కాబట్టి విజయ శాంతి ఈజీ గానే తన పాత్రను పోషించింది .

రష్మిక మండన : ఈ సినిమాలో బాగా అలరించిన పాత్ర రష్మిక అనే చెప్పాలి.ఫుల్ లెంత్ కామెడీ రోల్ ఐనప్పటికీ పాటల్లో తన అందం తో ఆకట్టుకుంటుంది.రష్మిక ఈ సినిమాలో ఫుల్ మార్కులు కొట్టేసింది.ముఖ్యంగా “మీకు అర్దమవుతుందా?” “అయాం ఇంప్రెస్డ్” అనే డైలాగ్ ఫేమస్ అవుతుంది. ఈ సినిమాతో రష్మిక టాప్ లీగ్ లోకి వెళ్లి పోయింది.

ప్రకాష్ రాజ్ : ఇందులో సీరియస్ విలన్ గా అనుకుని వెళ్తే ,అది కాస్త కామెడీ విలన్ రోల్ .యధావిధిగా ప్రకాష్ రాజ్ ఈజీ గా చేసేశాడు.కొన్ని సార్లు ‘ఒక్కడు’ సినిమాలో ని ఓబుల్ రెడ్డి పాత్రకి కొనసాగింపు అనిపిస్తుంది కానీ ఆ రేంజ్ కాదు. ఇలాంటి పాత్రలు ప్రకాష్ రాజ్  తన కెరీర్ లో ఎన్నో చేశాడు.

రాజేంద్ర ప్రసాద్ : స్టార్టింగ్ నుండి ఎండింగ్ వరకు హీరో తో పాటు ఉన్న పాత్ర రాజేంద్ర ప్రసాద్ (ప్రసాద్) పాత్ర .అయితే ఇందులో, కామెడీ పాత్రనే ఐనప్పటికీ.. ఒక్క ట్రైన్ ఎపిసోడ్ లో మాత్రమే తన  కామెడీ పండింది.మిగితా సీన్ లు మామూలుగా ఉన్నాయి.

సంగీత –రావు రమేష్ : హీరొయిన్ సంగీత ఈ సినిమాలో రావు రమేష్ భార్యగా నటించింది.తనకి మంచి పాత్ర లభించింది.కామెడీ ని బాగా చేసింది.రావు రమేష్ కూడా ట్రైన్ ఎపీసోడ్ లో బాగా చేశాడు.

తమన్నా : ఈ సినిమలో హైలైట్స్ లలో తమన్నా డ్యాన్స్ ఇరగ దీసింది.సౌత్ లో డ్యాన్స్ లో టాప్ అంటే తమన్నా నే అనేలా చేసింది.సూపర్.

ఇంకా ,జయప్రకాష్ రెడ్డి,బండ్ల గణేష్, సుబ్బరాజు  లు కొంత వరకు పరవా లేదు అనిపించారు.

సంగీతం : దేవిశ్రీ ఈ సినిమాకి మంచి పాటలను ఇచ్చాడు.ఆహా,ఓహో అనలేం కానీ , డాంగ్ డాంగ్ , అబ్బబ్బ , మైండ్ బ్లాక్ సాంగ్ లు బాగున్నాయి.అయితే బ్యాక్ గ్రౌండ్ స్కోర్ యావరేజ్.

కెమెరా :  రత్నవేలు కెమెరా పనితనం జస్ట్ ఒకే .

దర్శకత్వం : కామెడీ లో తనకి తిరుగు లేదని అనిల్ రావి పూడి మరో సారి ప్రూవ్ చేసుకున్నాడు.సినిమా మొత్తాన్ని ఒక రేంజ్ కి తీసుకెళ్ళే ఎపీసోడ్ ట్రైన్ ఎపిసోడ్.ఎవ్వరైనా ఈ ట్రాక్ మొత్తాన్ని ఎంజాయ్ చేస్తారు.అంత బాగుంది.తన గత చిత్రాలలాగే ఈ సినిమాలో కూడా కొన్ని ప్రత్యేకమైన డైలాగ్ లు నటీ నటులతో అనిపించాడు.’నెవ్వర్ బిఫోర్ ,నెవర్ ఆఫ్టర్’, ’నీకు అర్దమవుతుందా’, ‘అయాం ఇంప్రెస్డ్’ ‘టేక్ ఏ బౌ’ వంటి పదాలు బాగా జనాల్లోకి చొచ్చుకుపొతాయి.చాలా సందర్భాలలో ప్రేక్షకులను దర్శకుడు నవ్విస్తాడు..సీరియస్ మూవీ అనుకున్న ఈ సినిమాను క్లైమాక్స్ ని కూడా కామెడీ ట్రాక్ తో ఎండ్ చేశాడు.

అయితే హీరోఇజాన్ని ఎలివేట్ చేయడంలో విఫలమయ్యాడు.కొన్ని సార్లు తన గత చిత్రాల చాయలు మనకి కనిపిస్తాయి.కానీ ఓవరాల్ గా డైరెక్టర్ గా పాస్ అయ్యాడు.

హైలెట్స్ : ట్రైన్ ఎపిసోడ్,కామెడీ ,సాంగ్స్

మైనస్ : ఈ సినిమా లో రెండు వేరే వేరే కథలను అతికించినట్టు అనిపిస్తుంది.గ్రిప్పింగ్ స్క్రీన్ ప్లే లేకపోవడం.మహేష్ బాబుని ,విజయశాంతి ని సరిగా వాడకపోవడం.

కష్టాల్లో ఉన్న ఒక కుటుంబాన్ని హీరో ఆదుకోవడం అనే కాన్సెప్ట్ సినిమాలు ఎన్నో వచ్చాయి. ఇలాంటి కథకి  ట్రీట్ మెంట్  ఇంకా బాగుండాల్సింది.

ఫలితం: ఈ సంక్రాంతికి కుటుంబం అందరూ చూడ దగ్గ సినిమా అవుతుంది.అయితే గత రికార్డులను బ్రేక్ చేయలేదు. కానీ హిట్ గ్యారెంటీ .ఇంకా బాగా తీసి ఉండాల్సింది.

రేటింగ్ : 3/5   ***